DESKUNFIA MANE NA’IN IDA IDADE 46 MATE TANBA JBM SONA HO DIMAN

Covalima (RCCT) 18-11-24 Domingu ne’e, loron 17 fulan Novembru, Estevão Alves ho idade 46 mate iha to’os laran, deskunfia JBM tuda “sona” ho Diman iha Aldeia Orun, Suku Ogues, Postu Administrativu Maukatar.

Insidente ne’e akontese wainhira fahi tama vitima nia hodi estraga ninia platasaun iha to’os laran, nune'e hafoin vitima sona kanek fahi, no fo alarma ka bolu na’in ba fahi ne'e no mos familia balu atu hodi buka  tuir fahi refere, maibe Vitima tama no buka fahi ne’e iha du’ut laran no JBM konfude hodi lansa tuda Diman kona Vitma nia isin iha kabas “kakorok hun” parte kwana “los”.

Komandante PNTL Munisipiu Covalima Superintendente Polisia Calisto Gonzaga dehan Motivu husi kazu ne’e hanesan deskuidu.

“Motivu ne’e ita bele dehan deskuidu, tanba sira na’in hira ne’ebé mak hamutuk ho vitima ne’e ba atu tuda fahi ne’ebé mak durante ne’e tama hela vitima nia to’os, nia tuda tia ona maibe seidauk mate entaun nia alarma nia maluk sira no fahi na’in para atu bele buka fahi ne’e halo mate tia entaun familia, fahi na’in nia oan sira ho vitima ne’e rasik sira ba buka hela iha fatin refere, iha dut ituan entaun fahi ne’e iha laran kanek hela, entaun sira tenta para atu oho, tuda duni maibe fahi ne’e lakoi sai ona kala toba iha laran mais nu fim vitima ne’e mos nia tama hela area dut laran ne’e”

Entaun ida ne’ebé mak ita diskonfia nia halo diskuidu ne’e nia soe hela diman ne’e ba iha dut ne’ebé mak bok an hela ne’e, nia hanoin kala fahi ne’e, nu fim vitima ne’e mos tama hela iha laran entaun diman ne’e nia soe hela ba laran nia la hatene katak ne’e kona ema, parese nia hanoin dut bok an ne’e fahi mak ne’e ona entaun ne’e kona fahi, la kleur tia vitima ne’e hodi diman ne’e sai mai dehan emi mai hare ha’u lai tanba diman kona ha’u, ita diskonfia kaer diman ne’e rua deit, ida mak vitima kaer ne’e iha fahi hela ida mak ita diskonfia JBM kaer hela” Komandante PNTL Munisipiu Covalima, Superintendente Polisia Calisto Gonzaga konta.

Komandante Munisipiu Covalima ne’e afirma ema sira ida ne’ebe hamutuk ho vitima ba iha treinu, dadaun ne’e asegura ona hodi identifikasaun.

“Sira na’in hira ne’ebé mak hamutuk ba iha terenu ne’e ita asegura hotu iha ne’e, ita identifika sei halo partisipasaun, ida ne’e mak ita diskonfia los ninia asaun ne’e, asaun nigrijente maibe nia kongfesa tia ona ita aprezenta ba Ministeriu Publiku (MP) para nia bele uja rajoens oinsa mak bele hare prosesu ida ne’e, ita sei aprezenta ba Primeiru Introgatoriu (PI)” Tenik Komandante Polisia Munisipiu Covalima.

Mediku Jeral Sandra Pacheco hateten parte mediku halo ona ejemininasaun no hetan duni kanek nakles ida iha parte klavikula Superior direcu nian.

“Iha parte ejeminasaun fisiku nian, parte pojitivu ne’ebé mak ha’u halo ejamina iha parte pozetivu iha mate isin nian ne’e ha’u so bele hetan deit mak iha parte oin nian, maibe iha parte isin lolon iha ita nia klavikula superior direicu nian ne’e ita hetan kanek nakles no iha neba ha’u uja duni liman fuan hodi hatama ba kanek ne’e maijamenus kanek nia klean nia profundu ne’e sentimetru sanulu (10cm) hanesan ne’e”. Mediku Jeral Sandra Pacheco esplika.

Entretantu dadaun ne’e, Vitima Estevão Alves ho idade 46 nia isin mate transporta ona ba Ospital Nasional Guidu Valadares hodi halo prosesu Autopsia.

Jornalista:Moichung

Editor : Chamot Nahac