Diretór Servisu Munisipál Saude Covalima, Domingos Sequeira, haktuir
durante numeru infermeira no parteira sufiente maibe so deit mediku mak menus
atu koloka ba postu saude ne’ebé estabelese ona iha area juridiku Covalima.
"Ha’u hakarak informa
deit katak parteira ho infermeiru agora ita sufsiente hela maibe ba mediku ne’e
maka ita Covalima oan ne’e maka ita tenki esforsu maka’as para ita nia oan sira
estudua iha medisina, tanba foin lalais iha tinan ida ne'e ita loke konkursu be
ema na’in-7, ema apply na’in-4 signifika ita nia ema maka laiha, agora ba
parteira ho infermeiru ita iha planu feitu ona hein tinan oin 2025 bele loke
ona konkursu ba fasilidade saude sira ne'ebé seidauk kompletu ba pesoal saude
sira" Diretór Servisu
Munisipál Saude Covalima, Domingos Sequeira, relata.
Diretór Servisu Munisipál Saude Covalima, Domingos Sequeira,
relata tuir planu goveru nian sei koloka professional saude ba kada fasilidade
saude iha Covalima nune’e hodi fo atendimente ba komunidade sira ho di’ak.
"Ita presija tanba iha
fasilidade saude ida ho mediku, parteira infermeiru, tekniku aliadu tenke
kompletu, infermeiru tenke ema na’in-2, parteira ema na'in-2, tekniku aliadu,
farmasia ho labotoriu ema sira ne’e tenke kompleta hotu iha fasilidade saude
sira" nia dehan.
Enkuantu tuir planu Diretór
Servisu Munisipál Saude Covalima, Domingos Sequeira, katak iha nia mandatu sei
esforsu hodi kompleta rekursu umanu ba iha fasilidade saude ne'ebé sei menus
rekursu, no kada fasilidade saude tenki iha parteira na’in, mediku, infermeiru,
tekniku aliadu no laboratoriu.
Jornalista : Julio Salinas
Editor : Chamot Nahac
