Tanba ne’e tuir Diretór Servisu Munisipál Saude Covalima, Domingos
Sequeira, hatete oras ne’e daudaun Ministeriu Saude tau ona planu no identifika
ona rai seluk atu hodi halo konstrusaun foun tanba uma-3 ne’ebe harii ona
labele utiliza ona,
“Diretór Jeral Unidade Jestaun Projetu
Ministeriu Saude sira husi nasional mai hare tiha ona, katak uma ne’e labele
ona atu ita uza ba halo atendimentu baibain, tenke konstrui tanba rai ne’e monu,
dodok liu, uma ne’e labele uza, atu halo reabilitasaun mos labele, ne’e tenke
konstrui para halo konstrusaun foun, planu ne’e hatama ona iha nasional, ha’u
komunika ona ho xefe sentru saude para hare rai seluk hodi hari uma foun.” informa Diretór Servisu Munisipál Saude
Covalima, Domingos Sequeira.
Diretór Servisu Saude Covalima ne’e mos relata, rekomenda ona ba
Nasional atu halo kontrusaun foun ba Postu Saude rua, ida iha Suku Beko Postu
Administrativu Suai no seluk maka Postu Saude Beiseuk, Postu Administrativu
Tilomar.
“Momentu ne’eba sira mai rekomenda iha rua
labele uza, ezemplu ida maka Postu Saude Beiseuk konstrusaun foun ne’e, ida
fali maka konstrusaun foun iha Suku Beko, Posu Administrativu Suai, Beko mos
sira hare tanba rai iha okos liu, estrada maka iha fali leten bainhira udan mai
bee nalihun tama hotu ba iha uma laran ne’ebé sira dehan uma ne’e labele uza
ona maibe tenke halo konstrusaun foun ne’e tau hotu ona iha planu maibe atu
bainhira ita seidauk hatene klaru” tenik Domigos.
Entertantu, Governu Konstrui Postu Saude Beiseuk ho edifisiu tolu
ne’e iha tinan 2021 ho montante orsamentu hamotuk rihun atus rua sia nulu resin
lima, atus hitu ualu nulu resin lima sentavus hat nulu resin rua ($ 295,785.42).
Notisia relevante : https://radiosuai.blogspot.com/2023/06/postu-saude-beiseuk-ameasa-monu-impaktu.html
Jornalista : Julio Salinas
Editor : Chamot Nahac
