Iha lansamentu fatuk dahuluk ne’e,
Sekretaria Estadu Formasaun Profesional no Empregu (SEFOPE) Rogério Araùjo
Mendonça hateten, Guvernu nia politika hakbesik Edukasaun non-formal ba Juven
sira iha baze nune’e hodi kuñesementu sira nia Abilidade liu liu Konaba Lingua.
"Oinsa politika Guvernu
nian lori formasaun sira ne’e mai iha Munisipiu atu fasilita ita nia foinsa’e
sira, wainhira sira remata sira nia estudu la presija sira kontinua tuir
formasaun iha Nasional maibe sira mos bele hetan oportunidade tuir formasaun
iha Munisipiu hodi asesu ba merkadu traballu" Sekretaria Estado
Formasaun Profesional no Empregu (SEFOPE) Rogério Araùjo Mendonça, dehan.
Sekretariu Munisipal Asuntu
Planeamentu Investementu no Dezenvolvimentu Integradu, Caetano dos Santos
Ribeiro, Manisfesta hanoin katak sei halo kontrolu masimu ba iha obra estadu nian
ne’ebé Konstrui ona.
"Durasaun tempu ba
progresu fisika, ha’u fiar katak bele han tempu fulan ida ou fulan rua deit atu
nune’e labarik sira ne’e bele partisipa ona iha formasaun ida ne’e"
Autoridade lokal ne’e dehan.
Entretantu uma formasaun lian
ingles ne'e hala’o iha Aldeia Lakonak, Suku Debos. Obra ne'e konstrui husi
Formadus Centru Nasional de Formasaun Profisional (CNFP)-Bekora.
Editor : Chamot Nahac
