PEREGRINU COVALIMA KONTENTI-TIMOR NASAUN JUVEN HETAN PREVILEZIU REALIZA MISA BA DALA RUA IHA TASI TOLU HO AMU PAPA

Tasi Tolu,Dili (RCCT) 10-09-24-Sarani husi Munisipiu Covalima, Orgullu partisipa Misa Santa ne’ebé prezidi direta husi Sua Santidade Papa Francisco, Misa Santa iha tasi ne’e hanesan opotunidade daruak ba sarani timor leste, selebra eukaristia ho Amu Papa nudar lideransa maximu igreja katolika.

Nune’e, Peregrinu Covalima Oan, Tito Abilio do Sarcamento kontenti falun ho orgullu, maske timor leste nudar nasaun juven ida ne’ebé foin ukun rasik an iha tinan rua nulu resin, maibe bele realiza serimonia eukaristia santa ho amu Papa Francisco iha rai santa tasi tolu.

Lee tan :https://radiosuai.blogspot.com/2024/09/sarani-covalima-besik-rihun-lima.html

"Kontenti tanba ita nudar Covalima oan bele asiti misa iha ne’e, maske ita la hasoru direita maibe ita hare direita iha rai ida ne’e, baihira ha’u rona amu Papa nia mensajen primeiru ha’u kontenti no orgullu tanba nasaun ida foin ukun an tinan rua nulu resin maibe ita konsege realiza duni santidades bo’ot ida liu fali tinan ida uluk liu ne’ebé hala’o molok ita atu ukun an" Tito dehan.

Entretantu iha loron 12 fulan Outubru 1989, Timor Leste hetan ona Vizita dahuluk husi Lideransa Maximu husi Igreja katolika, Amu Papa João Paulo II hodi halo misa iha tasi tolu Dili, iha vizita ne’eba halo ema barak kontenti liu liu Juventude sira ne’ebé luta ba ukun rasik an, tanba eventu ne’e hanesan oportunidade ba sira atu hatudu Timor nia luta ba mundu liu husi kobertura jornalista internasional sira nian iha eventu ne’eba. Nune’e liu tiha tinan 35, Rai Lafaek Timor Leste Hetan Preveleziu bo’ot dala ida tan tanba bele hetan vizita husi Sua Santidade Papa Francisco iha loron 09 fulan Setembru 2024, ne’ebé ho esperansa tomak sarani Timor nia katak vizita ne’e sei lori bensa no dame ba povu no nasaun juven timor leste.

Kontinua Lee : https://radiosuai.blogspot.com/2024/09/foinsae-covalima-husu-santu-padre.html

Jornalista:Moichung

Editor : Chamot Nahac